مانچسٹر سٹی کے اسٹار اسٹرائیکر ایرلنک ہالینڈ نے ایک بار پھر اپنی گول مشین کارکردگی دکھاتے ہوئے چیمپیئنز لیگ میں نیا ریکارڈ قائم کر دیا۔ ولاریال کے خلاف میچ میں 0-2 کی جیت کے دوران ہالینڈ نے ایک گول داغ کر مقابلے کے آل ٹائم ٹاپ 10 اسکوررز میں جگہ بنالی۔
وکٹر گیوکرز کی شاندار واپسی آرسنل نے اٹلیٹیکو میڈرڈ کو 0-4 سے شکست دے کر چیمپیئنز لیگ میں جیت کا سلسلہ برقرار رکھا
میچ کے آغاز میں ہالینڈ تین منٹ سے بھی کم وقت میں ایک آسان ہیڈر ضائع کر بیٹھے، مگر جلد ہی انہوں نے ریکو لیوس کے زبردست پاس پر شاٹ لگا کر اپنی غلطی کی تلافی کر لی۔ یہ ان کے کیریئر کا چیمپیئنز لیگ میں 53 واں گول تھا، جس کے ساتھ انہوں نے محمد صلاح کو پیچھے چھوڑ دیا۔ اس سیزن میں ہالینڈ کے یہ 11 میچز میں 15 گول ہیں۔
سٹی نے میچ کے دوران گیند پر مکمل کنٹرول رکھا اور لا لیگا کی تیسرے نمبر پر موجود ٹیم کے خلاف باآسانی برتری حاصل کی۔ کھیل کے دوران اسپین اور انگلینڈ کی لیگوں کے معیار میں نمایاں فرق واضح نظر آیا۔
برنارڈو سلوا نے ہاف ٹائم سے پانچ منٹ قبل ہیڈر کے ذریعے سٹی کی برتری 0-2 تک بڑھا دی، جو اس سیزن میں ان کا پہلا گول تھا۔
قابلِ ذکر بات یہ ہے کہ روڈری اب بھی ہیمسٹرنگ انجری سے صحتیابی کے مرحلے میں ہیں، تاہم وہ اپنے سابق کلب کے ہال آف فیم میں شامل ہونے کے لیے اسپین پہنچے۔ دوسری جانب سٹی کو اس وقت تھوڑا تشویش ہوئی جب نیکو گونزالیز دوسرے ہاف میں انجری کے باعث میدان سے باہر چلے گئے۔
ولاریال نے میچ کے آخری 20 منٹوں میں کچھ جان ڈالی، مگر جیان لوییجی دوناروما نے پیپ گیئے کے زبردست شاٹ کو روکا، جب کہ نکولس پیپے اور تانی اولواسی نے قریبی مواقع ضائع کر دیے۔
میچ کے اختتام پر سٹی نے اپنی برتری برقرار رکھی، اور ہالینڈ دو مزید گول کے قریب پہنچے مگر قسمت نے ان کا ساتھ نہ دیا۔