چیف آف آرمی اسٹاف فیلڈ مارشل سید عاصم منیر نے کہا ہے کہ پاکستان خطے میں امن و استحکام کا خواہاں ہے، تاہم ملکی سرحدی سالمیت کی کسی بھی قسم کی براہِ راست یا بالواسطہ خلاف ورزی کا بھرپور اور فیصلہ کن جواب دیا جائے گا تاکہ پاکستانی شہریوں کی جان و مال کا تحفظ یقینی بنایا جا سکے
جعلی میجر بن کر اغوا برائے تاوان میں ملوث خطرناک گروہ کے دو کارندے گرفتار
آئی ایس پی آر کے مطابق آرمی چیف نے جنرل ہیڈ کوارٹرز (جی ایچ کیو) میں 17ویں قومی ورکشاپ بلوچستان کے شرکاء سے خطاب میں کہا کہ بلوچستان پاکستان کا فخر ہے اور اس کی اصل دولت وہاں کے محب وطن، متحرک اور لچکدار لوگ ہیں۔ انہوں نے صوبے کے لیے وفاقی و صوبائی حکومتوں کے ترقیاتی اقدامات پر روشنی ڈالی اور کہا کہ یہ اقدامات عوامی نقطہ نظر کے تحت بلوچستان کے سماجی و اقتصادی منظرنامے کو بہتر بنانے کے لیے کیے جا رہے ہیں۔
فیلڈ مارشل عاصم منیر نے بلوچستان کی بے پناہ اقتصادی صلاحیتوں کے ادراک پر زور دیتے ہوئے سول سوسائٹی، خاص طور پر نوجوانوں کے تعمیری کردار اور انہیں بااختیار بنانے کی اہمیت پر بھی اظہارِ خیال کیا۔ انہوں نے واضح کیا کہ صوبے میں طویل مدتی خوشحالی کے لیے ذاتی سیاسی ایجنڈوں کو پسِ پشت رکھا جائے۔
آئی ایس پی آر نے مزید بتایا کہ آرمی چیف نے خبردار کیا کہ ہندوستانی سپانسرڈ پراکسیز، فتنہ الہندوستان اور فتنہ الخوارج تشدد کو ہوا دے رہے ہیں اور یہ عناصر عوام دشمن و ترقی مخالف ایجنڈے پھیلاتے ہیں۔ ان دہشتگردوں کا پیچھا کرنے اور بلوچستان کو اس لعنت سے نجات دلانے کے لیے تمام ضروری اقدامات کیے جا رہے ہیں۔
ورکشاپ کا اختتام ایک انٹرایکٹو سوال و جواب سیشن کے ساتھ ہوا جہاں چیف آف آرمی اسٹاف نے دوبارہ کہا کہ پاکستان علاقائی امن اور استحکام کا خواہاں ہے، تاہم علاقائی سالمیت کی کسی بھی قسم کی خلاف ورزی
کے خلاف مضبوط اقدامات کیے جائیں گے تاکہ شہریوں کی فلاح و بہبود محفوظ بنائی جا سکے۔
