(تشکر نیوز) کراچی کے علاقے ایوب گوٹھ اسلم پلازہ کے قریب ایک رہائشی عمارت میں زوردار دھماکہ ہوا، جس کے نتیجے میں علاقے میں شدید خوف و ہراس پھیل گیا۔
عینی شاہدین کے مطابق دھماکے کی آواز دور دور تک سنی گئی جبکہ قریبی دکانوں اور عمارتوں کو شدید نقصان پہنچا۔
واقعے کی اطلاع ملتے ہی سہراب گوٹھ پولیس، رینجرز اور ریسکیو ٹیمیں فوری طور پر موقع پر پہنچ گئیں اور متاثرہ عمارت کو گھیرے میں لے لیا۔
ابتدائی اطلاعات کے مطابق دھماکے کے نتیجے میں پانچ افراد کے زخمی ہونے کا خدشہ ظاہر کیا گیا ہے، جنہیں قریبی اسپتال منتقل کر دیا گیا ہے۔
پولیس حکام کا کہنا ہے کہ دھماکے کی نوعیت کا تعین کیا جا رہا ہے، بظاہر یہ گیس لیکیج کا واقعہ معلوم ہوتا ہے، تاہم تحقیقات مکمل ہونے کے بعد ہی حتمی وجہ سامنے آئے گی۔
علاقے کو عارضی طور پر سیل کر دیا گیا ہے جبکہ بم ڈسپوزل اسکواڈ کو بھی طلب کر لیا گیا ہے تاکہ مزید کسی ناخوشگوار واقعے سے بچا جا سکے۔