کراچی (اسٹاف رپورٹر) نارتھ ناظم آباد پولیس نے خفیہ اطلاع پر کارروائی کرتے ہوئے کار لفٹر کو گرفتار کر لیا۔ ترجمان ایس ایس پی ڈسٹرکٹ سینٹرل ذیشان شفیق صدیقی (PPM, PSP) کے مطابق گرفتار ملزم کی شناخت سمیر ولد خان شیرین کے نام سے ہوئی ہے۔
پولیس کے مطابق گرفتار ملزم کے قبضے سے تھانہ نارتھ ناظم آباد کی حدود سے چوری شدہ گاڑی برآمد کر لی گئی ہے۔ ملزم کے خلاف مقدمہ نمبر 25/345 بجرم دفعہ 381/A تھانہ نارتھ ناظم آباد میں درج کر لیا گیا ہے۔
ترجمان کے مطابق گرفتار ملزم کا کرمنل ریکارڈ چیک کیا جا رہا ہے جبکہ مزید تفتیش اور کارروائی کے لیے اسے AVLC کے حوالے کر دیا گیا ہے۔