کراچی: سندھ حکومت نے صوبے بھر میں ایک ماہ کے لیے دفعہ 144 نافذ کر دی ہے۔ محکمہ داخلہ سندھ کی جانب سے جاری نوٹیفکیشن کے مطابق دفعہ 144 کے تحت صوبے میں جلسے، جلوس، ریلیاں اور دھرنے منعقد کرنے پر پابندی عائد کر دی گئی ہے۔
کراچی: اورنگی ٹاؤن میں ڈکیتی مزاحمت پر شہری کے قتل میں ملوث ملزم پولیس مقابلے میں ہلاک
نوٹیفکیشن میں کہا گیا ہے کہ صوبے بھر میں پانچ سے زائد افراد کے جمع ہونے پر بھی پابندی ہوگی۔ یہ فیصلہ امن و امان کی موجودہ صورتحال کے پیشِ نظر کیا گیا ہے۔
محکمہ داخلہ کے مطابق دفعہ 144 کا نفاذ آئی جی سندھ کی درخواست پر عمل میں لایا گیا ہے، تاکہ صوبے میں ممکنہ ناخوشگوار واقعات کی روک تھام اور سیکیورٹی انتظامات کو بہتر بنایا جا سکے۔
ذرائع کے مطابق ضابطے کی خلاف ورزی کرنے والوں کے خلاف قانون کے مطابق کارروائی عمل میں لائی جائے گی۔