کراچی (اسٹاف رپورٹر) — سندھ حکومت کے وژن کے تحت اور آئی جی سندھ کی ہدایت پر ڈی آئی جی ڈرائیونگ لائسنس یونس چانڈیو نے کراچی کی عوام کی سہولت کے لیے لرنر ڈرائیونگ لائسنس کے حصول کے لیے 2 موبائل وین سروس کا آغاز کیا ہے۔ یہ وینز شہر کے مختلف مقامات پر بھیجی جاتی ہیں اور ان کا ہفتہ وار شیڈول بھی جاری کیا جاتا ہے۔
ورلڈ بینک نے وزارتِ صحت کی کارکردگی کو سراہا، جاری منصوبوں کی بھرپور تائید
لرنر موٹر سائیکل لائسنس کی سرکاری فیس 215 روپے جبکہ موٹر سائیکل اور کار لائسنس کی مشترکہ فیس 315 روپے مقرر ہے۔ ترجمان کے مطابق اس کے علاوہ اگر کوئی اضافی رقم طلب کرے تو شہری آئی جی سندھ کے شکایتی نمبر 1715 پر کال کریں یا ڈرائیونگ لائسنس کے واٹس ایپ نمبر 03700906774 پر پیغام ارسال کریں۔
ڈی آئی جی ڈرائیونگ لائسنس کے مطابق اب تک اس سہولت کے تحت صرف تین ماہ کے اندر 17,191 لرنر لائسنس جاری کیے جا چکے ہیں۔
