اسلام آباد (اسٹاف رپورٹر) — ورلڈ بینک کی کنٹری ڈائریکٹر بولورما امگابازار نے وفاقی وزیر صحت مصطفیٰ کمال سے ملاقات میں وزارتِ قومی صحت کی گزشتہ چھ ماہ کی کارکردگی کو شاندار قرار دیا اور جاری منصوبوں کی بھرپور تائید کی۔
خضدار میں سیکیورٹی فورسز کی کارروائی، خواتین کے بھیس میں 4 دہشتگرد گرفتار
ملاقات کے دوران پاکستان کے صحت کے شعبے کو درپیش چیلنجز اور ان کے پائیدار حل پر تفصیلی تبادلہ خیال کیا گیا۔ بولورما امگابازار نے کہا کہ ورلڈ بینک وزارت صحت کے ساتھ قریبی تعاون جاری رکھے گا اور اصلاحات کے عمل کی مکمل حمایت کرتا ہے۔
اس موقع پر وفاقی وزیر صحت مصطفیٰ کمال نے کہا کہ صحت کے شعبے میں کئی بڑے چیلنجز درپیش ہیں، جن پر قابو پانے کے لیے جامع اصلاحات کی جارہی ہیں تاکہ عوام کو بہتر سہولیات فراہم کی جا سکیں۔