کوئٹہ کے قریب غزابند میں سیکیورٹی فورسز کا آپریشن، 10 دہشت گرد ہلاک

کوئٹہ (اسٹاف رپورٹ) — سیکیورٹی فورسز نے کوئٹہ کے مضافاتی علاقے غزابند میں بھارتی سپانسرڈ دہشت گردوں کے خلاف کامیاب مشترکہ آپریشن کیا ہے۔

ہارورڈ یونیورسٹی اور ٹرمپ انتظامیہ میں معاہدہ، 50 کروڑ ڈالر کی ادائیگی پر تنازع ختم

سیکیورٹی ذرائع کے مطابق فائرنگ کے تبادلے میں 10 دہشت گرد مارے گئے جبکہ سیکیورٹی فورسز کے 2 اہلکار زخمی ہوئے۔

ذرائع نے بتایا کہ یہ انٹیلی جنس بیسڈ آپریشن دہشت گردوں کی پہاڑی علاقوں میں موجودگی کی مصدقہ اطلاعات پر کیا گیا۔ مارے گئے دہشت گرد سیکیورٹی فورسز اور شہریوں کے خلاف متعدد کارروائیوں میں ملوث تھے۔

آپریشن کے دوران بھاری تعداد میں اسلحہ اور گولہ بارود بھی برآمد ہوا۔ سیکیورٹی فورسز اور قانون نافذ کرنے والے اداروں نے اس عزم کا اعادہ کیا ہے کہ ملک سے دہشتگردی کے خاتمے تک کارروائیاں جاری رہیں گی۔