اسلام آباد (اسٹاف رپورٹر) — نیشنل سائبر کرائم انویسٹی گیشن ایجنسی (این سی سی آئی اے) نے بانی پی ٹی آئی سے سوشل میڈیا اکاؤنٹس، بالخصوص ٹوئٹر (ایکس) اکاؤنٹ کے حوالے سے دوبارہ تفتیش کا فیصلہ کرلیا ہے۔
کوئٹہ کے قریب غزابند میں سیکیورٹی فورسز کا آپریشن، 10 دہشت گرد ہلاک
ذرائع کے مطابق این سی سی آئی اے کی جانب سے بانی پی ٹی آئی کو 21 سوالات پر مشتمل سوالنامہ فراہم کیا گیا ہے جس کی روشنی میں مزید پوچھ گچھ کی جائے گی۔ سوالنامے میں دریافت کیا گیا ہے کہ بانی پی ٹی آئی کا ٹوئٹر اکاؤنٹ کہاں سے آپریٹ ہوتا ہے اور اسے کون استعمال کرتا ہے۔
سوالنامے میں یہ نکتہ بھی اٹھایا گیا ہے کہ کیا بانی پی ٹی آئی ٹوئٹر پر کی جانے والی ٹوئٹس کو ذاتی طور پر اوون کرتے ہیں یا نہیں۔ مزید کہا گیا ہے کہ ان کے اکاؤنٹس سے ملک مخالف ٹوئٹس بھی سامنے آئے ہیں، جن کے بارے میں وضاحت طلب کی گئی ہے۔
این سی سی آئی اے کے مطابق تفتیش کا مقصد سوشل میڈیا پر ملک مخالف مواد اور اس کے ذرائع کی نشاندہی کرنا ہے۔