واشنگٹن (مانیٹرنگ ڈیسک) — ٹرمپ انتظامیہ اور ہارورڈ یونیورسٹی کے درمیان طویل عرصے سے جاری تنازع بالآخر ختم ہوگیا۔ ہارورڈ یونیورسٹی نے حکومت کو 50 کروڑ ڈالر ادا کرنے پر رضامندی ظاہر کر دی، جس کے بعد دونوں فریقین کے درمیان معاہدہ طے پا گیا۔
خیرپور میں تیل و گیس کے نئے ذخائر کی دریافت، اوجی ڈی سی کو بڑی کامیابی
معاہدے کے تحت یہ رقم مصنوعی ذہانت (AI) اور طبی شعبے میں تحقیقاتی مراکز کے قیام پر خرچ کی جائے گی۔
یاد رہے کہ غزہ جنگ کے خلاف احتجاج اور صدر ٹرمپ کی پالیسیوں سے اختلاف کے باعث امریکی حکومت نے ہارورڈ یونیورسٹی کے دو ارب ساٹھ کروڑ ڈالر کے فنڈز اور گرانٹس روک دیے تھے، جس کے باعث ادارے کو شدید مالی مشکلات کا سامنا کرنا پڑا۔ فنڈز کی بحالی کے لیے یونیورسٹی نے عدالت سے بھی رجوع کیا تھا۔