کراچی (اسٹاف رپورٹر) — مہاجر قومی موومنٹ (پاکستان) کے چیئرمین آفاق احمد نے کہا ہے کہ وہ اپنی قوم کو نہ تو تقسیم ہونے دیں گے اور نہ ہی اس کی زمینیں بٹنے دیں گے، چاہے اس کے لیے جتنا بھی قیمت ادا کرنا پڑے۔ یہ بیان انہوں نے شہر کے مختلف علاقوں سے آئے ہوئے مہاجر اکابرین سے خطاب کرتے ہوئے دیا۔
ایشیا کپ فائنل: بھارت نے پاکستان کو 6 وکٹوں سے شکست دے کر ٹائٹل جیت لیا
آفاق احمد نے اپنے خطاب میں کہا کہ مہاجر قوم نے تاریخ میں دو مرتبہ بڑا نقصان اٹھایا — ایک بار پاکستان کے قیام کے فوراً بعد اور دوسری بار مشرقی پاکستان کے حالات کے نتیجے میں — اور اب تیسری بار کسی سازش کو کامیاب ہونے نہیں دیا جائے گا۔ انہوں نے دعویٰ کیا کہ "کراچی صوبے” کے نعرے کے ذریعے مہاجر قوم کے مستقبل سے کھیلنے کی سازش کی جارہی ہے جسے وہ کسی صورت منظور نہیں کریں گے۔
چیئرمین نے کہا کہ مہاجر قوم ملک کے متعدد شہروں میں آباد ہے جن میں ٹنڈو جام، ٹنڈو آدم، ٹنڈو الہ یار، میرپور خاص، نوابشاہ، شہدادپور، شاہ پور چاکر، خیرپور اور سکھر شامل ہیں اور شہری سندھ کی وارثی حیثیت کا مطالبہ مستحکم رہے گا۔ آفاق احمد نے زور دے کر کہا کہ "قوم تقسیم ہوگی نہ قوم کی وراثت” اور مہاجر قوم کے مستقبل کے فیصلے خود مہاجر کریں گے۔
مزید کہا گیا کہ بزرگ قوم کی دانش ہیں اور نوجوان اس کی طاقت؛ ہر فرد بقا کی جدوجہد میں اپنا حصہ ڈال رہا ہے اور آنے والی نسلوں کے لیے محفوظ مستقبل یقینی بنایا جائے گا۔ آفاق احمد نے حاضرین سے اپیل کی کہ اپنی جائیداد کا "ایک انچ” بھی فروخت نہ کریں کیونکہ یہ آئندہ نسلوں کی امانت ہے۔