کراچی: سندھ پولیس کی منشیات اور گٹکا ماوا کے خلاف جاری مہم کے دوران ایئر پورٹ پولیس نے بڑی کامیابی حاصل کی ہے۔ ایس ایس پی ملیر ڈاکٹر عبدالخالق کے مطابق پولیس نے خفیہ اطلاع پر اسٹار گیٹ کے قریب کارروائی کرتے ہوئے دو ملزمان کو گاڑی سمیت گرفتار کرلیا۔
کراچی: لانڈھی میں 28 سالہ قصاب کانگو وائرس سے جاں بحق، رواں برس ہلاکتوں کی تعداد 6 ہوگئی
پولیس حکام کے مطابق گرفتار ملزمان گاڑی کے خفیہ خانوں کے ذریعے منشیات سپلائی اور فروخت میں ملوث تھے۔ کارروائی کے دوران 11 کلو اعلیٰ کوالٹی چرس، نقد رقم اور سپلائی میں استعمال ہونے والی گاڑی برآمد ہوئی۔
ایس ایس پی ملیر کے مطابق گرفتار ملزمان کی شناخت محمد شریف اور ذوالقرنین کے ناموں سے ہوئی ہے، جنہوں نے دوران تفتیش انکشاف کیا کہ منشیات اندرونِ سندھ اور کراچی کے مختلف خفیہ مقامات پر سپلائی کی جانی تھی۔
پولیس کا کہنا ہے کہ ملزمان کے خلاف ضابطے کے تحت قانونی کارروائی شروع کر دی گئی ہے جبکہ مزید تفتیش جاری ہے۔
