کراچی — محکمہ صحت سندھ نے کراچی میں کانگو وائرس کے ایک اور کیس کی تصدیق کرتے ہوئے بتایا ہے کہ لانڈھی کے علاقے میں 28 سالہ قصاب کانگو وائرس کے باعث جاں بحق ہوگیا۔
برطانیہ: غیرقانونی تارکین کی نگرانی کے لیے کیئر اسٹارمر کا ڈیجیٹل آئی ڈی کارڈ پلان اعلان
ترجمان محکمہ صحت کے مطابق مریض زبیر کو جناح اسپتال منتقل کیا گیا تھا جہاں لانے کے چند ہی گھنٹوں بعد اس کی موت واقع ہوگئی۔ لیبارٹری رپورٹ میں کانگو وائرس کی باضابطہ تصدیق ہوگئی۔ مریض میں تیز بخار اور منہ سے خون آنے جیسی علامات ظاہر ہوئیں۔
محکمہ صحت نے متاثرہ شخص سے قریبی رابطے میں رہنے والوں کی نگرانی کا فیصلہ کیا ہے۔ حکام کے مطابق ابتدائی ٹیسٹ میں مریض کا ملیریا اور ڈینگی منفی آیا جبکہ کانگو وائرس مثبت پایا گیا۔
اعداد و شمار کے مطابق رواں برس کانگو وائرس کے باعث جاں بحق افراد کی تعداد 6 تک پہنچ گئی ہے۔ محکمہ صحت نے قصابوں اور مویشیوں کے قریب رہنے والوں کو احتیاطی تدابیر اپنانے کی ہدایت کی ہے تاکہ مزید کیسز کو روکا جا سکے۔