کراچی (کرائم رپورٹر) — ڈی آئی جی ایسٹ ڈاکٹر فرخ علی کی زیرِ صدارت ڈسٹرکٹ ملیر کی کرائم میٹنگ کا انعقاد ہوا، جس میں ایس ایس پی ملیر، ایس پی انویسٹیگیشن، ڈسٹرکٹ ملیر کے تمام انویسٹیگیشن و آپریشن کے ڈی ایس پیز، تھانوں کے ایس ایچ اوز اور ایس آئی اوز نے شرکت کی۔
لاہور میں بحرِ ہند کی اسٹریٹیجک صف بندی پر کانفرنس، پاکستان کے دوٹوک مؤقف اور علاقائی تعاون پر زور
میٹنگ کے دوران ڈی آئی جی ایسٹ نے تمام تھانوں کی کارکردگی کا تفصیلی جائزہ لیا اور ہدایت دی کہ اسٹریٹ کرائم، منشیات کی روک تھام، مفرور و اشتہاری ملزمان کی گرفتاری اور دیگر جرائم کے خلاف تمام وسائل بروئے کار لائے جائیں۔ انہوں نے زور دیا کہ پینڈنگ مقدمات میں کارروائیوں کو تیز کیا جائے اور ملزمان کی گرفتاری کے لیے مؤثر اقدامات یقینی بنائے جائیں۔
ڈی آئی جی ایسٹ نے اچھی کارکردگی دکھانے والے افسران کو شاباش دی جبکہ ناقص کارکردگی کے حامل افسران کو سختی سے متنبہ کرتے ہوئے فوری بہتری کی ہدایت کی۔
میٹنگ کا اہتمام میڈیا سیل، ڈی آئی جی ایسٹ زون پولیس کراچی کی جانب سے کیا گیا۔
