اسلام آباد: قومی ایئرلائن پی آئی اے کے لیے بڑی کامیابی، برطانوی محکمہ ٹرانسپورٹ نے پی آئی اے کو تھرڈ کنٹری آپریٹر کا درجہ دے دیا ہے، جس کے بعد ایئرلائن اگلے ماہ سے برطانیہ کے لیے براہ راست پروازوں کا آغاز کرے گی۔
خیبرپختونخوا حکومت کا سرکاری ملازمین کو بلاسود قرضہ دینے کا فیصلہ
ترجمان پی آئی اے کے مطابق پہلے مرحلے میں مانچسٹر کے لیے پروازیں شروع کی جائیں گی، جس کے بعد برمنگھم اور لندن کو بھی نیٹ ورک میں شامل کیا جائے گا۔ پی آئی اے مسافروں کے ساتھ ساتھ کارگو سروسز بھی فراہم کرے گی۔
گزشتہ روز برطانوی ادارے کی جانب سے پی آئی اے کو سیکیورٹی اور کارگو کے لیے پانچ سالہ ACC3 سرٹیفکیٹ بھی جاری کیا گیا۔
ترجمان کا کہنا ہے کہ یہ پیشرفت پاکستان پر بین الاقوامی اعتماد کا مظہر ہے۔ اس موقع پر سی ای او پی آئی اے نے وزیراعظم، نائب وزیراعظم، متعلقہ اداروں اور پی آئی اے ٹیم کا شکریہ ادا کیا۔