کراچی — ایس ایس پی سینٹرل کی ہدایت پر شاہراہ نور جہاں پولیس نے خفیہ اطلاع پر کارروائی کرتے ہوئے اسٹریٹ کرائم میں ملوث عادی ملزم کو گرفتار کرلیا۔
پولیس کے مطابق ملزم کو مین روڈ قلندریہ چوک، نزد طالب چمن پارک بلاک J نارتھ ناظم آباد سے گرفتار کیا گیا۔ گرفتار شدہ ملزم کی شناخت جری حیدر ولد نجم حیدر کے نام سے ہوئی۔
کارروائی کے دوران ملزم کے قبضے سے 30 بور پستول بمعہ زندہ راؤنڈ برآمد کیا گیا۔
پولیس نے بتایا کہ ملزم کے خلاف تھانہ شاہراہ نور جہاں میں مقدمہ الزام نمبر 681/2025 بجرم دفعہ 23(i)A سندھ آرمز ایکٹ کے تحت درج کرکے مزید تفتیش شروع کردی گئی ہے۔
ترجمان کے مطابق ملزم عادی جرائم پیشہ ہے، جس کا سابقہ ریکارڈ درج ذیل ہے:
-
ایف آئی آر نمبر 291/2023 بجرم 4/5/8 جی ایم ایکٹ، تھانہ اورنگی ٹاؤن
-
ایف آئی آر نمبر 629/2024 بجرم 23(i)A، تھانہ اورنگی ٹاؤن