کراچی — ڈپٹی کمشنر ضلع وسطی طحہ سلیم کی ہدایت پر ایڈیشنل ڈپٹی کمشنر ٹو نیہا شاہ کی زیر صدارت ٹریفک مینجمنٹ بورڈ کا اجلاس منعقد ہوا۔
صوبائی محتسب سندھ اور ہیلپنگ ہینڈز فار ریلیف اینڈ ڈولپمنٹ کے درمیان مفاہمتی یادداشت پر دستخط
اجلاس میں ایس پیز، ڈی ایس پیز ٹریفک پولیس، ٹاؤن افسران، ٹاؤن چیئرمین عاطف علی خان اور رینجرز کے اعلیٰ افسران نے شرکت کی۔
ایڈیشنل ڈپٹی کمشنر ٹو نیہا شاہ نے اجلاس سے خطاب کرتے ہوئے کہا کہ ضلع بھر میں ٹریفک کی روانی کو بہتر بنانے کے لیے مؤثر اقدامات کیے جائیں۔ انہوں نے واضح کیا کہ تجاوزات کے خلاف سخت کارروائی اور غیر قانونی پارکنگ فوری طور پر ختم کی جائے۔
انہوں نے کہا کہ پولیس، ٹاؤن انتظامیہ اور ٹریفک انجینئرنگ کے محکموں کو مشترکہ حکمت عملی بنانی ہوگی اور ٹریفک مینجمنٹ کے حوالے سے عوامی آگاہی مہم شروع کی جائے۔
نیہا شاہ نے مزید ہدایت دی کہ مؤثر عمل درآمد کے لیے ٹیموں کی ہم آہنگی اور کارکردگی کو مضبوط بنایا جائے، جبکہ ٹاؤنز اور ٹریفک محکمے ہر ماہ چوکنگ پوائنٹس اور اپنی کارکردگی کی رپورٹ پیش کریں تاکہ مسائل کا فوری حل نکالا جا سکے۔