کراچی: ضلع کیماڑی تھانہ سعید آباد پولیس نے خفیہ اطلاع پر کارروائی کرتے ہوئے حب چوکی بلوچستان سے کراچی اسمگل ہونے والا مضر صحت گٹکا ماوا قبضے میں لے لیا۔ ایس ایس پی کیماڑی کیپٹن (ر) فیضان علی کے مطابق حب ریور روڈ پر کارروائی کے دوران گٹکا ماوا سے لوڈ دو موٹر سائیکل پکڑی گئیں۔
گورنر سندھ کامران ٹیسوری کا Xuzhou میں الیکٹریک گاڑیوں اور موٹر سائیکل فیکٹری کا دورہ
پولیس نے کارروائی کے دوران فیضان اور اسامہ نامی ملزمان کو گرفتار کرلیا جبکہ عزت اللہ نامی ایک ملزم موقع سے فرار ہونے میں کامیاب ہوگیا۔ گرفتار ملزمان کے قبضے سے تین کٹوں میں 1324 پُڑیاں مضر صحت گٹکا ماوا برآمد ہوئیں۔
ترجمان کے مطابق کارروائی ایس ایچ او تھانہ سعید آباد انسپکٹر پرویز علی سولنگی کی سربراہی میں کی گئی۔ ملزمان کے خلاف مقدمہ درج کر کے مزید تفتیش شروع کر دی گئی ہے۔