کراچی (اسٹاف رپورٹر) ایس ایس پی ڈسٹرکٹ ایسٹ ڈاکٹر فرخ رضا کی زیرِ صدارت کرائم میٹنگ منعقد ہوئی، جس میں ڈویژنل ایس پیز، ایس ڈی پی اوز، ایس ایچ اوز اور ڈی آئی بی انچارج شریک ہوئے۔
سندھ پولیس گیمز 2025 کا اعلان، 14 سال بعد نومبر میں انعقاد ہوگا
میٹنگ میں ایس ایس پی ایسٹ نے تمام ایس ایچ اوز کی ایک ماہ کی کارکردگی کا جائزہ لیا اور اسٹریٹ کرائم و وھیکیولر کرائم کے حوالے سے بریفنگ لی۔ انہوں نے ہدایت کی کہ ٹیکنیکل بنیادوں پر کارروائی کرتے ہوئے جرائم میں ملوث ملزمان کی گرفتاری یقینی بنائی جائے۔
ایس ایس پی نے مزید کہا کہ مفرور اور اشتہاری ملزمان کی گرفتاریوں میں تیزی لائی جائے، جبکہ شاہین فورس کو اسٹریٹ کرائم کے انسداد کے لیے بھرپور طریقے سے استعمال کیا جائے۔
منشیات کے خلاف زیرو ٹالرینس پالیسی پر زور دیتے ہوئے تمام ایس ایچ اوز کو کارروائیاں مزید تیز کرنے کی ہدایت کی گئی۔
میٹنگ کے اختتام پر اچھی کارکردگی دکھانے والے افسران کو شاباش دی گئی، جبکہ ناقص کارکردگی کے حامل افسران کو شوکاز نوٹس جاری کیے گئے۔