کراچی (اسٹاف رپورٹر) ایف بی ایریا بلاک 18 عمر مسجد کے قریب ایک شخص 70 فٹ گہرے کنویں میں گر گیا۔ اطلاع ملتے ہی ریسکیو 1122 کے سینٹرل کمانڈ اینڈ کنٹرول سے واٹر ریسکیو ٹیم بمعہ ایک ایمبولینس اور ایک واٹر ریسکیو وہیکل فوری طور پر جائے وقوعہ پر روانہ کی گئی۔
ریسکیو 1122 کے ترجمان کے مطابق ویل ریسکیو آپریشن کے ذریعے متاثرہ شخص کو زندہ حالت میں کنویں سے نکالا گیا اور ابتدائی طبی امداد فراہم کرنے کے بعد اسپتال منتقل کر دیا گیا۔
متاثرہ شخص کی شناخت 50 سالہ منیب عمر کے نام سے ہوئی ہے۔
