کراچی: میئر کراچی مرتضیٰ وہاب نے بارشوں کی پیش گوئی کے تناظر میں شہر کے مختلف علاقوں کا دورہ کیا۔ اس موقع پر میونسپل کمشنر افضل زیدی، سی او او واٹر کارپوریشن اسد اللہ خان اور سینئر ڈائریکٹر حنان بھٹو بھی ان کے ہمراہ تھے۔
پیپلز پارٹی سندھ کو سیلاب میں ڈبونے کی سازش نہ کرے، جماعت اسلامی کا انتباہ
ترجمان کے مطابق میئر کراچی نے شہر کے مختلف نالوں اور چوکنگ پوائنٹس کا معائنہ کیا اور ہدایت دی کہ تمام نالوں کو کلیئر رکھا جائے تاکہ بارشوں کے دوران شہریوں کو مشکلات کا سامنا نہ ہو۔ ترجمان کے ایم سی کے مطابق بارشوں سے قبل 15 جون سے نالوں کی صفائی کا کام مسلسل جاری ہے۔
میئر کراچی مرتضیٰ وہاب نے کہا کہ ہر ممکن کوشش ہے کہ بارشوں کے دوران شہریوں کو سہولت فراہم کی جائے۔ انہوں نے بتایا کہ کے ایم سی اور واٹر کارپوریشن کی گاڑیاں اور مشینری اہم مقامات پر موجود ہیں تاکہ کسی بھی ہنگامی صورتحال سے نمٹا جا سکے۔
میئر کراچی نے مزید کہا کہ بارشوں کے دوران سٹی وارڈنز بھی اہم شاہراہوں پر موجود رہیں گے تاکہ ٹریفک کی روانی برقرار رہے اور شہریوں کو فوری مدد فراہم کی جا سکے۔