کراچی: ڈپٹی کمشنر ضلع وسطی طحہ سلیم کی قیادت میں یومِ دفاع کے موقع پر ایک شاندار واک کا انعقاد کیا گیا۔ واک کا آغاز ڈپٹی کمشنر آفس سے ہوا جس میں اسسٹنٹ کمشنرز، میونسپل کمشنرز، مختلف محکموں کے افسران اور اسکول کے طلبہ کی بڑی تعداد نے بھرپور شرکت کی۔
یومِ دفاع پر پاک بحریہ کے سربراہ ایڈمرل نوید اشرف کا پیغام
اس موقع پر ڈپٹی کمشنر طحہ سلیم نے اپنے خطاب میں کہا کہ 6 ستمبر 1965ء کو دشمن کے بزدلانہ حملے کا پاکستانی قوم اور افواجِ پاکستان نے یکجہتی کے ساتھ ڈٹ کر مقابلہ کیا اور ناقابلِ فراموش قربانیاں پیش کیں۔ انہوں نے کہا کہ یومِ دفاع پاکستان ملی اتحاد اور یکجہتی کی بہترین علامت ہے، جبکہ رواں سال اس دن کی اہمیت اس لیے بھی بڑھ گئی ہے کہ افواجِ پاکستان نے دہشت گردی کے خلاف جنگ میں نمایاں کامیابیاں حاصل کی ہیں۔
ڈپٹی کمشنر نے اس عزم کا اظہار کیا کہ ضلع وسطی میں یومِ دفاع بھرپور قومی جوش و جذبے کے ساتھ منایا جائے گا اور اس سلسلے میں مختلف تقریبات اور سرگرمیوں کا اہتمام کیا گیا ہے۔
