کراچی (اسٹاف رپورٹر) بن قاسم پولیس نے خفیہ اطلاع پر کارروائی کرتے ہوئے ایک ایسے خطرناک نیٹ ورک کو بے نقاب کردیا جو معیاد ختم ہونے والی (ایکسپائر) اور زہریلی ادویات دوبارہ پیک کرکے مارکیٹ میں فروخت کرتا تھا۔
اے وی ایل سی کراچی کی کارروائی، گاڑیاں و موٹرسائیکلیں چوری کرنے والے 3 ملزمان گرفتار
پولیس کے مطابق گرفتار ملزمان کی شناخت شکیل، امیر، سیف الرحمان، میر عالم، نظام بوستان، حسین اور شوکت کے ناموں سے ہوئی ہے۔
ترجمان کے مطابق اس مکروہ دھندے کا سرغنہ شکیل ہے جو ایک فارماسیوٹیکل کمپنی میں سپروائزر تھا۔ ملزمان کمپنی سے خام مال اور ایکسپائر شدہ ادویات چوری کرتے اور انہیں دوبارہ پیک کرکے مختلف علاقوں اور دیگر کمپنیوں کو فروخت کرتے تھے۔
پولیس حکام کا کہنا ہے کہ ان جعلی اور مضر صحت ادویات کے استعمال سے شہریوں کی زندگیوں کو سنگین خطرات لاحق ہوسکتے تھے۔
بن قاسم پولیس نے گرفتار ملزمان کے خلاف ضابطے کے مطابق قانونی کارروائی شروع کر دی ہے جبکہ مزید تفتیش جاری ہے۔
