راولپنڈی (کورٹ رپورٹر) راولپنڈی کی مقامی عدالت نے کمسن طالبعلم کو اغوا کے بعد زیادتی اور قتل کرنے والے مجرم عرفان عظیم کو 3 مرتبہ سزائے موت سنادی۔
پاکستان میں نئے صوبوں کی بحث، کراچی کی حیثیت پر تاریخی سوالات پھر اٹھ کھڑے ہوئے
ایڈیشنل سیشن جج افشان اعجاز صوفی نے فیصلہ سناتے ہوئے کہا کہ مجرم کے خلاف اغوا، زیادتی اور قتل کے الزامات مکمل طور پر ثابت ہو گئے ہیں۔ عدالت نے مجرم کو تین بار سزائے موت دینے کے ساتھ مجموعی طور پر 10 لاکھ روپے جرمانے کی سزا بھی سنائی۔
مقدمے کے مطابق 15 مارچ 2023 کو تھانہ دھمیال کی حدود سے چوتھی جماعت کے طالبعلم ابوبکر کو اغوا کیا گیا، جسے بعدازاں زیادتی کا نشانہ بنا کر قتل کر دیا گیا۔
فیصلے کے بعد مقتول بچے کے اہل خانہ نے کہا کہ عدلیہ کے اس اقدام سے انہیں انصاف ملا ہے اور ان کے زخموں پر کچھ مرہم رکھا گیا ہے۔