کراچی میں یکم تا 7 ستمبر 2025 جاری رہنے والی انسدادِ پولیو مہم کے دوران سیکیورٹی کے لیے جامع پلان تشکیل دے دیا گیا ہے۔ ایڈیشنل آئی جی کراچی جاوید عالم اوڈھو کی ہدایت پر 10 ہزار 463 پولیس افسران و اہلکار شہر بھر میں تعینات ہوں گے تاکہ پولیو ٹیموں اور ورکرز کو مکمل تحفظ فراہم کیا جا سکے۔
میمن گوٹھ پولیس کی کارروائی، مضر صحت چھالیہ اور گٹکے ماوے میں ملوث 2 ملزمان گرفتار
تفصیلات کے مطابق سیکیورٹی ڈیوٹی پر مامور اہلکاروں میں ایسٹ زون سے 3 ہزار 512، ویسٹ زون سے 4 ہزار 107 اور ساؤتھ زون سے 2 ہزار 844 اہلکار شامل ہیں۔
انسداد پولیو مہم میں اس بار 15 ہزار 511 ٹیمیں اور 24 ہزار 3 ورکرز حصہ لیں گے۔ پولیس چیف نے زونل افسران کو براہِ راست سیکیورٹی انتظامات کی نگرانی کرنے کی ہدایت دی ہے تاکہ مہم کو کامیابی اور امن و امان کے ساتھ مکمل کیا جا سکے۔