لاہور (کورٹ رپورٹر) معروف یوٹیوبر سعد الرحمان عرف ڈکی بھائی نے جوڈیشل مجسٹریٹ کی جانب سے منظور کیے گئے جسمانی ریمانڈ کے خلاف سیشن کورٹ لاہور میں اپیل دائر کردی۔
انسداد دہشت گردی عدالت نے بانی پی ٹی آئی کے بھانجے شاہ ریز خان کے جسمانی ریمانڈ پر فیصلہ محفوظ کرلیا
اپیل چوہدری عثمان علی ایڈووکیٹ کی وساطت سے دائر کی گئی جسے عدالت نے سماعت کے لیے منظور کرلیا۔ سیشن کورٹ نے نیشنل سائبر کرائم ایجنسی (NCCIA) کو نوٹس جاری کرتے ہوئے یکم ستمبر تک تحریری جواب طلب کرلیا۔
ڈکی بھائی کی جانب سے دائر اپیل میں مؤقف اختیار کیا گیا ہے کہ جوڈیشل مجسٹریٹ نے حقائق کا درست جائزہ لیے بغیر چار روزہ جسمانی ریمانڈ منظور کیا، عدالت سے استدعا ہے کہ ریمانڈ کو کالعدم قرار دیا جائے۔
واضح رہے کہ آن لائن جوا، گیمنگ اور فاریکس ایپ کے فروغ سے متعلق معاملے پر نیشنل سائبر کرائم ایجنسی میں سعد الرحمان عرف ڈکی بھائی کے خلاف باقاعدہ تحقیقات بھی شروع کردی گئی ہیں۔