کراچی: شہر قائد میں چار روز پر مبنی مون سون کا تاریخی اسپیل اب اپنے اختتامی مراحل میں داخل ہوچکا ہے۔ محکمہ موسمیات کے مطابق بحیرہ عرب پر ہوا کا کمزور دباؤ موجود ہے جبکہ کراچی کا موسم بتدریج صاف ہونا شروع ہوگیا ہے۔
کورنگی میں ندی اور گٹر سے بڑی مقدار میں اسلحہ و دستی بم برآمد
آج شہر میں درجہ حرارت 31 سے 33 ڈگری سینٹی گریڈ کے درمیان ریکارڈ کیا جا رہا ہے تاہم ہوا میں نمی کی زیادہ مقدار کے باعث شہریوں کو پسینے اور حبس کی کیفیت کا سامنا ہے۔ موجودہ سسٹم کے زیر اثر کراچی کے اطراف میں بادل تشکیل پارہے ہیں اور آج رات چند مقامات پر ہلکی بارش کا امکان ظاہر کیا گیا ہے۔
موسمیاتی تجزیہ کار محمد حسیب کے مطابق گوالیار (مدھیہ پردیش) کے قریب ایک سائیکلونک سرکیولیشن موجود ہے جو خلیج بنگال کے سرکیولیشن کے ساتھ مل کر آئندہ ہفتے سندھ میں نئی بارشوں کا سبب بن سکتا ہے۔ اس حوالے سے مزید تفصیلات بعد میں جاری کی جائیں گی۔