کورنگی میں ندی اور گٹر سے بڑی مقدار میں اسلحہ و دستی بم برآمد

کراچی: کورنگی انڈسٹریل ایریا میں ندی کے قریب سے مشکوک بیک برآمد ہوا جس میں بڑی مقدار میں گولیاں اور دستی بم موجود تھے۔ پولیس کے مطابق مشکوک بیک پانی کے ساتھ بہہ کر آیا تھا جسے دیکھ کر بم ڈسپوزل اسکواڈ کو طلب کیا گیا۔

پاکستان بھارت جنگ بندی پر عمل جاری، کشمیر کے بغیر بات ممکن نہیں: اسحاق ڈار

پولیس کا کہنا ہے کہ برآمد ہونے والے سامان میں 30 بور پستول، ریوالور، زنگ آلود گولیاں اور مختلف اسلحہ کا ایمونیشن شامل ہے، جبکہ 7 دستی بم بھی ملے ہیں۔ مزید تلاشی کے دوران بیک سے مزید دستی بم اور اسلحہ برآمد ہوا۔

ایس ایس پی کورنگی کے مطابق کورنگی کاز وے چوکی کے قریب گٹر سے بھی درجنوں دستی بم برآمد ہوئے۔ ان کا کہنا ہے کہ 8 سے 10 دستی بم پستول اور گولیوں کے خول کے ساتھ ملے ہیں، جو دیکھنے میں کافی پرانے لگتے ہیں۔

پولیس نے برآمد ہونے والے اسلحہ کو تحویل میں لے کر تحقیقات شروع کردی ہیں۔ حکام کا کہنا ہے کہ دستی بم اور اسلحہ کہاں اور کس مقصد کے لیے چھپایا گیا تھا، اس حوالے سے مختلف پہلوؤں پر تفتیش جاری ہے۔