بھارتی پنجابی فلم سردار جی 3، جس میں دلجیت دوسانجھ، نیرو باجوہ اور پاکستانی اداکارہ ہانیہ عامر نے مرکزی کردار ادا کیے ہیں، بھارت میں سینما گھروں کی زینت نہیں بنے گی۔ حیران کن طور پر فلم اب 27 جون 2025 کو پاکستان سمیت دنیا کے دیگر ممالک میں پریمیئر ہوگی۔
جنرل اسماعیل قانی کی تہران میں عوامی اجتماع میں شرکت اسرائیلی حملے میں شہادت کی افواہیں دم توڑ گئیں
فلم میں پاکستانی فنکاروں کی شمولیت پر بھارت میں شدید ردعمل سامنے آیا ہے۔ سوشل میڈیا پر بھارتی صارفین کی جانب سے فلم کے بائیکاٹ کی مہم جاری ہے جبکہ یوٹیوب پر اس کا ٹریلر بھی ملک میں بلاک کر دیا گیا
ہے۔ ٹریلر دیکھنے کی کوشش پر صارفین کو پیغام مل رہا ہے: ’’یہ ویڈیو آپ کے ملک میں دستیاب نہیں ہے۔‘‘
فیڈریشن آف ویسٹرن انڈیا سنے ایمپلائیز (FWICE) نے سنٹرل بورڈ آف فلم سرٹیفیکیشن (CBFC) سے مطالبہ کیا ہے کہ فلم کو سرٹیفکیٹ جاری نہ کیا جائے کیونکہ ان کے مطابق یہ فلم "قومی مفاد کے خلاف” ہے۔
سوشل میڈیا پر تنازع بڑھنے کے بعد ہانیہ عامر کا انسٹاگرام اکاؤنٹ بھی بھارت میں بلاک ہو چکا ہے، جس سے معاملے میں مزید شدت آ گئی ہے۔ فلم میں ناصر چنیوٹی، سلیم البیلا اور ڈینیل خاور سمیت دیگر پاکستانی فنکار بھی شامل ہیں۔
امر ہندل کی ہدایت کاری میں بننے والی یہ فلم ہارر اور کامیڈی کا امتزاج ہے جس میں دلجیت دوسانجھ اور ہانیہ عامر بھوت شکاریوں کے روپ میں ایک پریتوادت گھر کی روح کو نکالنے کی کوشش کرتے ہیں، جبکہ کہانی مافوق الفطرت محبت کے مثلث کے گرد گھومتی ہے جس میں نیرو باجوہ بھی مرکزی کردار نبھا رہی ہیں۔