ریال میڈرڈ نے اتوار کے روز ایک سنسنی خیز مقابلے میں سیلٹا ویگو کو 3-2 سے شکست دے کر لا لیگا میں اپنی ٹائٹل کی امیدوں کو زندہ رکھا۔ کائلان ایمباپے نے دو بار گیند کو جال میں پہنچا کر میڈرڈ کو فتح دلائی، جبکہ نوجوان اردا گلر نے بھی شاندار کارکردگی دکھاتے ہوئے ایک خوبصورت گول اسکور کیا۔
بائرن میونخ نے 34ویں بار بنڈس لیگا ٹائٹل جیت لیا، ہیری کین نے کیریئر کی پہلی بڑی ٹرافی حاصل کی
یہ میچ ایک موقع پر مکمل طور پر میڈرڈ کے حق میں نظر آ رہا تھا، کیونکہ وہ تین گول کی برتری حاصل کر چکے تھے۔ تاہم سیلٹا ویگو نے آخری لمحات میں زبردست فائٹ بیک کرتے ہوئے دو گول کیے اور میچ کو سنسنی خیز بنا دیا۔ اگرچہ میڈرڈ دفاعی چوٹوں سے نبردآزما تھا، لیکن انہوں نے برتری کو بچائے رکھا اور تین اہم پوائنٹس حاصل کیے۔
کوچ کارلو اینسیلوٹی نے میچ کے بعد کہا کہ ہمیں کچھ مشکلات کا سامنا رہا لیکن یہ ایک قیمتی فتح ہے۔ فیڈ ویلورڈے نے بھی تسلیم کیا کہ ٹیم دوسرے ہاف میں کچھ کمزور پڑی، جس کی وجہ سے سیلٹا کو موقع ملا۔
اردا گلر نے ابتدائی ہاف میں ایک بہترین گول کر کے اپنی موجودگی کا احساس دلایا، جبکہ ایمباپے نے پہلے ہاف کے اختتام اور دوسرے ہاف کے آغاز میں دو شاندار گول اسکور کیے، جس سے وہ سیزن میں 24 گولز کے ساتھ دوسرے نمبر پر ہیں۔
سیلٹا کے جیویر روڈریگ اور سویڈبرگ نے آخری لمحات میں دو گول کر کے میچ کو دلچسپ بنایا، لیکن میڈرڈ نے اپنی برتری برقرار رکھی۔ اگر وہ یہ میچ ڈرا کر دیتے تو بارسلونا اگلے ہفتے کے کلاسیکو میں فتح کے ساتھ ٹائٹل جیت سکتا تھا۔
والورڈے نے کہا کہ اگلا میچ سال کا سب سے اہم میچ ہوگا اور لا لیگا جیتنے کے لیے ہمارا آخری موقع ہوگا۔
دوسری جانب، ریال بیٹیس نے اسپانیول کو 2-1 سے شکست دے کر چیمپئنز لیگ کی دوڑ میں ویارئیل پر دباؤ برقرار رکھا۔ ایتھلیٹک بلباؤ اور ریال سوسیڈاد کے درمیان میچ بغیر کسی گول کے برابر رہا۔