کراچی کے ویسٹ پولیس نے رات گئے کامیاب سرچ آپریشن کے دوران 9 ملزمان کو گرفتار کر لیا۔ گرفتار ملزمان میں 4 مفرور ملزمان، 2 غیر ملکی (افغان شہری)، اور 3 منشیات فروش شامل ہیں۔
ایس ایس پی ویسٹ طارق الٰہی مستوئی کے مطابق، منشیات فروشوں کے قبضے سے 1717 گرام چرس اور فروخت کی گئی رقم برآمد کر لی گئی۔
تھانہ منگھوپیر پولیس نے مفرور ملزمان جبکہ پیرآباد پولیس نے منشیات فروش اور افغان شہریوں کو حراست میں لیا۔ گرفتار مفرور ملزمان مقدمہ الزام نمبر 234/2025 میں نامزد تھے۔
گرفتار ملزمان کے نام درج ذیل ہیں:
مفرور ملزمان: نظام، نوید، نعمان، عبید اللّٰہ
منشیات فروش: خیر اللّٰہ، رحیم اللّٰہ (افغان شہری)، سعید، محمد عادل، محمد خان
گرفتار ملزمان کے خلاف مزید قانونی کارروائی جاری ہے۔
