لاہور گیریژن میں لیفٹیننٹ محمد حسن اشرف شہید کی نمازِ جنازہ ادا کی گئی، جس میں وزیر اعظم میاں محمد شہباز شریف، وزیر دفاع، وزیر اطلاعات، فوجی و سول حکام، اور شہید کے عزیز و اقارب نے شرکت کی۔
خواتین کا کراچی پریس کلب پر احتجاج، آفاق احمد سمیت دیگر معصوم شہریوں کی رہائی کا مطالبہ
پاک فوج کے شعبہ تعلقات عامہ (آئی ایس پی آر) کے مطابق، وزیر اعظم نے شہید کی عظیم قربانی کو خراجِ تحسین پیش کرتے ہوئے کہا کہ یہ قربانی ہمارے بہادر بیٹوں کی شجاعت اور لگن کی ایک اور روشن مثال ہے۔ انہوں نے مزید کہا کہ پوری قوم اپنی مسلح افواج کے ساتھ یکجہتی میں کھڑی ہے اور ان کی قربانیوں کو کبھی فراموش نہیں کیا جائے گا۔
لیفٹیننٹ محمد حسن اشرف شہید کو فوجی اعزازات کے ساتھ سپردِ خاک کیا جائے گا، جو ان کی بہادری اور وطن سے محبت کا ثبوت ہیں۔
آئی ایس پی آر کا مزید کہنا تھا کہ شہید کی قربانی ہمیشہ یاد رکھی جائے گی، اور وطنِ عزیز کے دفاع کے لیے ہماری مسلح افواج ہر قربانی کے لیے ہمہ وقت تیار ہیں۔
