کراچی کے مئیر بیرسٹر مرتضیٰ وہاب کے احکامات پر فوری عملدرآمد کرتے ہوئے کراچی واٹر کارپوریشن نے گلستان جوہر کے مختلف بلاکس میں پانی کی لائنوں میں موجود لیکیجز کی مرمت کا کام مکمل کر لیا ہے۔
ترجمان واٹر کارپوریشن کے مطابق گلستان جوہر کے بلاک 2، 3، 4، اور 7 میں پانی کی لائنوں کے لیکیجز کی مرمت کا کام مکمل کر لیا گیا ہے۔ جبکہ بلاک 16 کے قریب اوورسیز پمپنگ اسٹیشن کے اطراف میں 18 انچ ڈایا کی پانی کی لائن میں موجود لیکیجز کی مرمت جاری ہے، جو جلد مکمل کر لی جائے گی۔
واٹر کارپوریشن کے مطابق یہ اقدامات شہریوں کو پانی کی بلا تعطل فراہمی یقینی بنانے کے لیے کیے جا رہے ہیں۔
