کراچی میں یکے بعد دیگرے بچوں کے اغواء کے واقعات نے شہریوں کو خوفزدہ کر دیا ہے اور پولیس کو چوکس رہنے پر مجبور کر دیا ہے۔
ایس ایس پی ملیر کاشف آفتاب عباسی کی شاہین فورس سے ملاقات: جرائم کے خاتمے کے عزم کا اظہار
حالیہ واقعات:
نارتھ کراچی: گیارہ روز بعد صارم کی لاش ملنے کے واقعے نے عوام کو ہلا کر رکھ دیا۔
گارڈن: دو معصوم بچوں کی طویل گمشدگی پولیس کے لیے چیلنج بن چکی ہے۔
پولیس کا اقدام:
کراچی پولیس نے اسکولوں اور مدرسوں کی انتظامیہ کے لیے ہدایت نامہ جاری کیا ہے تاکہ بچوں کے تحفظ کو یقینی بنایا جا سکے۔
ہدایت نامہ:
اسکول اور مدرسے کی انتظامیہ کو ہدایت دی گئی ہے کہ کسی بھی بچے کو والدین کے علاوہ کسی اور کے ساتھ نہ جانے دیں۔
والدین کو تاکید کی گئی ہے کہ وہ اپنے بچوں کو اسکول یا مدرسہ اکیلے نہ بھیجیں اور محتاط رہیں۔
پولیس کا مؤقف:
پولیس کا کہنا ہے کہ احتیاطی تدابیر اختیار کرنا وقت کی ضرورت ہے تاکہ ایسے افسوسناک واقعات سے بچا جا سکے۔
