تربت (تشکر نیوز) یوم اقبال کی مناسبت سے ایف سی بلوچستان (ساؤتھ) کے زیر اہتمام مختلف تقریبات منعقد کی گئیں۔ اختتامی تقریب ایف سی ہیڈکوارٹر (ساؤتھ) میں منعقد ہوئی جس میں اوورسیز پاکستانی فاؤنڈیشن اسکول تربت، گورنمنٹ عطاشاد ڈگری کالج، اور گورنمنٹ گرلز ڈگری کالج تربت کے طلباء و طالبات نے بھرپور شرکت کی۔
سینٹرل: نیو کراچی انڈسٹریل ایریا میں پولیس کا خمیسہ گوٹھ اور کابلی محلہ میں کومبنگ آپریشن
تقریب کے دوران شاعر مشرق اور مفکر پاکستان علامہ اقبالؒ کی قومی خدمات اور ان کی شاعری کے موضوع پر انگریزی اور اردو زبان میں تقریری مقابلے منعقد کیے گئے۔ انگریزی تقریری مقابلے میں گورنمنٹ عطاشاد ڈگری کالج تربت کے طالب علم شہزاد نے پہلی پوزیشن حاصل کی، جبکہ اردو تقریری مقابلے میں گورنمنٹ گرلز ڈگری کالج تربت کی طالبہ شاہدہ نے میدان مار لیا۔
تقریب کے اختتام پر مہمان خصوصی نے نمایاں کارکردگی دکھانے والے طلباء و طالبات میں انعامات تقسیم کیے۔