ضلع کیماڑی کی اینٹی اسٹریٹ کرائم سیل نے ایک بڑی کارروائی کرتے ہوئے شہر کراچی میں متحرک انتہائی مطلوب 6 رکنی موٹرسائیکل لفٹنگ گروہ کو گرفتار کر لیا۔ ایس ایس پی کیماڑی کیپٹن (ر) فیضان علی کے مطابق، ملزمان کے قبضے سے متعدد مسروقہ موٹرسائیکلیں، اسپئیر پارٹس، موبائل فونز اور غیر قانونی اسلحہ برآمد ہوا۔
ساوتھ زون پولیس کا عوامی اجتماعات سے نمٹنے کی تربیت کے لیے سیمینار
گرفتار ملزمان کی شناخت درج ذیل ناموں سے ہوئی:
رضوان عرف اٹینڈ
دانش عباس
محمد ارسلان
محمد فیضان
جنید
حسن غوری
ملزمان کے قبضے سے 10 عدد چوری شدہ موٹرسائیکلیں، 10 عدد موبائل فونز، چار عدد غیر قانونی پستول، موٹرسائیکل کھولنے کے اوزار اور اسپئیر پارٹس بھی برآمد ہوئے۔
یہ کارروائی سب انسپکٹر راجہ خالد کی قیادت میں کی گئی، اور گروہ کی گرفتاری کے لیے کئی دنوں سے کوششیں جاری تھیں۔ ملزمان کو انٹیلیجنس ذرائع اور سی سی ٹی وی فوٹیجز کی مدد سے شناخت کرکے گرفتار کیا گیا۔ ان کا کہنا ہے کہ انہوں نے شہر بھر سے موٹرسائیکلیں چوری اور چھین کر حب بلوچستان کے علاقے میں فروخت کرنے کا عمل کیا۔
