کراچی میں ایس ایس پی ڈسٹرکٹ سینٹرل ڈاکٹر محمد عمران خان نے ڈی ایس پی منہاج الحسن کی 35 سالہ پولیس سروس مکمل ہونے پر الوداعی تقریب کا انعقاد کیا۔
ڈی ایس پی منہاج الحسن ایس ڈی پی او شادمان کے فرائض انجام دے رہے تھے۔ تقریب میں ڈسٹرکٹ سینٹرل کے ایس ایچ اوز اور مختلف برانچز کے انچارجز نے شرکت کی۔
35 سالہ خدمات کو خراجِ تحسین
تقریب سے خطاب کرتے ہوئے ایس ایس پی ڈاکٹر محمد عمران خان نے ڈی ایس پی منہاج الحسن کی پیشہ ورانہ صلاحیتوں کو سراہا۔
انہوں نے ان کی بہترین نگرانی، انتظامی مہارت اور فرض شناسی کی تعریف کی۔
ایس ایس پی نے کہا کہ منہاج الحسن نے 35 سالہ سروس کے دوران قابلِ قدر خدمات انجام دیں۔ محکمہ پولیس ان کی پیشہ ورانہ وابستگی اور خدمات کو ہمیشہ قدر کی نگاہ سے دیکھے گا۔
انہوں نے ڈی ایس پی منہاج الحسن کا شکریہ ادا کیا۔ ساتھ ہی ریٹائرمنٹ کے بعد صحت مند اور کامیاب زندگی کے لیے نیک خواہشات کا اظہار کیا۔
ڈی ایس پی منہاج الحسن کا اظہارِ تشکر
تقریب میں دیگر افسران نے بھی ان کی پیشہ ورانہ خدمات کو سراہا۔ انہوں نے منہاج الحسن کے ساتھ کام کرنے کے تجربات بیان کیے اور نیک خواہشات کا اظہار کیا۔
ڈی ایس پی منہاج الحسن نے ایس ایس پی ڈاکٹر محمد عمران خان کی قیادت اور پیشہ ورانہ نگرانی کو سراہا۔
انہوں نے کہا کہ ان کی سربراہی میں کام کرنا ان کے لیے باعثِ مسرت اور اعزاز رہا۔ انہوں نے تمام افسران اور ساتھیوں کے تعاون اور محبت پر شکریہ ادا کیا۔