واشنگٹن میں رپورٹس کے مطابق امریکا اپنے بڑے تجارتی شراکت داروں پر کم از کم 10 فیصد اضافی درآمدی ٹیرف عائد کرنے پر غور کر رہا ہے، جس سے عالمی تجارتی نظام پر اثرات مرتب ہونے کا امکان ہے۔
بھارت سورت بس حادثہ 7 افراد ہلاک
مغربی میڈیا کی رپورٹس کے مطابق مجوزہ پالیسی کے تحت بھارت، چین، جاپان، جنوبی کوریا، برازیل اور سوئٹزرلینڈ سمیت متعدد ممالک سے آنے والی مصنوعات پر 12.5 فیصد اضافی ڈیوٹی عائد کی جا سکتی ہے۔
اسی طرح کینیڈا، میکسیکو، یورپی یونین، تائیوان، برطانیہ اور دیگر ممالک سے درآمدات پر 10 فیصد ٹیرف لگانے پر بھی غور کیا جا رہا ہے۔
یہ پیش رفت ایسے وقت میں سامنے آئی ہے جب امریکی تجارتی حکام نئی دہلی میں بھارتی ہم منصبوں کے ساتھ دوطرفہ تجارتی معاہدے کو حتمی شکل دینے کے لیے تین روزہ مذاکرات کر رہے ہیں۔
رپورٹس کے مطابق امریکی تجارتی دفتر کی تحقیقات میں بھارت ان 54 معیشتوں میں شامل پایا گیا ہے جنہوں نے جبری مشقت سے تیار کردہ اشیاء کی درآمد پر مکمل پابندی عائد نہیں کی یا اس پر مؤثر عمل درآمد نہیں کیا۔
ماہرین کے مطابق اگر یہ اقدامات نافذ ہوتے ہیں تو عالمی تجارت، برآمدات اور درآمدی قیمتوں پر نمایاں اثرات مرتب ہو سکتے ہیں۔