بلال کالونی پولیس مقابلہ: شاہین فورس کے جوانوں کو تعریفی اسناد اور نقد انعام

کراچی: ایس ایس پی ڈسٹرکٹ سینٹرل ڈاکٹر محمد عمران خان نے بلال کالونی پولیس مقابلے میں نمایاں کارکردگی دکھانے والے پولیس افسران اور جوانوں کی حوصلہ افزائی کی۔

شاہین فورس بلال کالونی کے جوانوں اور ایس ایچ او بلال کالونی کو ایس ایس پی سینٹرل کے دفتر مدعو کیا گیا۔

ایس ایس پی ڈاکٹر محمد عمران خان نے پولیس مقابلے میں بہادری اور پیشہ ورانہ صلاحیتوں کا مظاہرہ کرنے پر افسران اور جوانوں کو شاباش دی۔

تعریفی اسناد اور نقد انعام

ایس ایس پی ڈسٹرکٹ سینٹرل نے شاہین فورس کے جوانوں اور ایس ایچ او کو تعریفی اسناد، سی سی تھرڈ اور نقد انعام سے نوازا۔

پولیس کے مطابق بلال کالونی کے علاقے میں مقابلے کے دوران ایک ملزم ہلاک جبکہ دوسرا بغیر زخمی ہوئے گرفتار ہوا تھا۔

ایس ایس پی سینٹرل نے جوانوں سے گفتگو کرتے ہوئے ان کی فرض شناسی اور پیشہ ورانہ کارکردگی کو سراہا۔

پولیس فورس کا مورال بلند رکھنے پر زور

ڈاکٹر محمد عمران خان نے کہا کہ جرائم پیشہ عناصر کے خلاف بہادری اور پیشہ ورانہ مہارت سے کارروائی کرنے والے افسران پولیس فورس کا فخر ہیں۔

انہوں نے جوانوں پر زور دیا کہ شہریوں کے جان و مال کے تحفظ کے لیے اسی عزم کے ساتھ فرائض انجام دیتے رہیں۔

ایس ایس پی سینٹرل نے کہا کہ اچھی کارکردگی دکھانے والے افسران اور جوانوں کی حوصلہ افزائی جاری رکھی جائے گی۔

ان کے مطابق ایسے اقدامات سے پولیس فورس کا مورال بلند ہوگا اور جرائم کے خلاف کارروائیوں کو مزید مؤثر بنانے میں مدد ملے گی۔

2 thoughts on “بلال کالونی پولیس مقابلہ: شاہین فورس کے جوانوں کو تعریفی اسناد اور نقد انعام”

  1. Hi there! This is my first comment here so I just wanted to give a quick shout out and tell
    you I genuinely enjoy reading your articles. Can you recommend any other
    blogs/websites/forums that go over the same
    topics? Thank you! xnxx

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!