کراچی: کراچی ترقی کے لیے پاکستان پیپلز پارٹی کے چیئرمین بلاول بھٹو زرداری نے متعلقہ حکام کو ہر ممکن وسائل بروئے کار لانے کی ہدایت کی ہے۔ انہوں نے سندھ کے اسٹریٹجک ترقیاتی منصوبوں کا جائزہ لیتے ہوئے کہا کہ صوبے کی معاشی تبدیلی ایک طویل المدتی وژن کا حصہ ہے۔
بلاول بھٹو زرداری کی زیر صدارت ہونے والے اجلاس میں کیٹی بندر انٹیگریٹڈ کوریڈور، سندھ انٹرنیشنل فنانشل سینٹر، اے آئی انفرا اسٹرکچر، ڈیٹا سینٹرز اور فارمرز ایگریکلچرل کلیکٹوز سمیت مختلف منصوبوں پر تفصیلی بریفنگ دی گئی۔
اجلاس کو بتایا گیا کہ ان منصوبوں سے روزگار کے نئے مواقع پیدا ہوں گے، برآمدات میں اضافہ ہوگا اور ملکی و غیر ملکی سرمایہ کاری کو فروغ ملے گا۔
بلاول بھٹو زرداری نے اجلاس سے خطاب کرتے ہوئے کہا کہ سندھ کی معاشی ترقی کے لیے جدید انفرا اسٹرکچر، ٹیکنالوجی اور سرمایہ کاری پر مبنی منصوبے نہایت اہم ہیں، جن پر مؤثر انداز میں عملدرآمد یقینی بنایا جائے۔
بعد ازاں بلاول بھٹو زرداری سے میئر کراچی مرتضیٰ وہاب نے ملاقات کی اور شہر میں جاری چھ بڑے ترقیاتی منصوبوں پر پیش رفت سے آگاہ کیا۔
میئر کراچی نے بتایا کہ ابراہیم حیدری پل 120 دن جبکہ عظیم پورہ فلائی اوور 93 دن میں مکمل کیا گیا۔ انہوں نے مزید بتایا کہ گٹر باغیچہ میں 100 ملین گیلن یومیہ استعداد کا سیوریج ٹریٹمنٹ پلانٹ بھی تکمیل کے آخری مرحلے میں ہے۔
بلاول بھٹو زرداری نے شہر کے ترقیاتی منصوبوں کی رفتار برقرار رکھنے اور کراچی کے شہریوں کو بہتر بنیادی سہولیات فراہم کرنے کے لیے تمام متعلقہ اداروں کو مؤثر انداز میں کام جاری رکھنے کی ہدایت کی۔
Appreciate you sharing this information.
Great explanation throughout the article. I especially liked how everything was broken down into simple, understandable sections.