لاہور میں محرم جلوسوں کے دوران سیکیورٹی اور انتظامی اقدامات سخت، کنٹرول رومز فعال
لاہور میں ضلعی انتظامیہ نے آج کے محرم جلوس اور مجالس کی تفصیلات جاری کر دی ہیں۔
کمشنر لاہور مریم خان کے مطابق آج 42 جلوس برآمد ہوں گے۔ ان میں 8 جلوس کیٹیگری اے، 32 کیٹیگری بی اور 2 کیٹیگری سی میں شامل ہیں۔ شہر میں 410 مجالس بھی منعقد ہوں گی۔ ان میں 45 مجالس کیٹیگری اے، 275 کیٹیگری بی اور 90 کیٹیگری سی کی ہیں۔
انتظامیہ نے بتایا کہ تمام میونسپل انتظامات مکمل ہیں۔ مرکزی کنٹرول سینٹرز فعال ہیں اور صورتحال کی مسلسل نگرانی جاری ہے۔
حکام کے مطابق مختلف ذرائع سے لائیو مانیٹرنگ کی جا رہی ہے۔ جلوسوں اور مجالس کے روٹس پر سیکیورٹی بھی سخت کر دی گئی ہے۔ نکاسی آب اور صفائی کے انتظامات بھی مکمل ہیں۔
