شہباز شریف کی کراچی اور حیدرآباد کے ترقیاتی پیکج کی منظوری

ترقیاتی پیکج کے معاملے پر وزیراعظم شہباز شریف اور ایم کیو ایم پاکستان کے وفد کے درمیان اہم ملاقات ہوئی۔ ملاقات میں کراچی اور حیدرآباد کے ترقیاتی منصوبوں سمیت کئی سیاسی امور پر گفتگو کی گئی۔
شہباز شریف نے اپنا گھر اسکیم میں قرض منظوری تیز کرنے کی ہدایت دی

ذرائع کے مطابق وزیراعظم نے ترقیاتی پیکج کے تحت کراچی کے لیے 20 ارب روپے اور حیدرآباد کے لیے 5 ارب روپے کے پیکج پر اصولی آمادگی ظاہر کی۔

شہباز شریف اور ایم کیو ایم ملاقات

وزیراعظم سے ملاقات کرنے والے وفد میں ڈاکٹر خالد مقبول صدیقی، ڈاکٹر فاروق ستار، مصطفیٰ کمال، امین الحق اور جاوید حنیف شامل تھے۔

اجلاس میں وزیراعظم کے ہمراہ اسحاق ڈار، رانا ثناء اللہ، احسن اقبال، اعظم نذیر تارڑ اور عطا اللہ تارڑ بھی موجود تھے۔

ترقیاتی پیکج اور بجٹ تجاویز

ذرائع کے مطابق ملاقات میں آئندہ مالی سال کی بجٹ تجاویز پر تبادلہ خیال ہوا۔ اس کے ساتھ بلدیاتی حکومتوں سے متعلق مجوزہ آئینی ترمیمی بل بھی زیر بحث آیا۔

وفد نے سندھ میں گورنر کے معاملے پر بھی اپنے مؤقف سے آگاہ کیا۔

ایم کیو ایم اور آئینی ترمیمی بل

ذرائع کے مطابق وفاقی حکومت نے ایم کیو ایم کے مجوزہ آئینی ترمیمی بل پر بات چیت کے لیے تعاون کی یقین دہانی کرائی۔

یہ بھی بتایا گیا کہ حکومت اس معاملے پر پیپلز پارٹی سے رابطہ کرے گی۔

کراچی ترقیاتی پیکج پر پیشرفت

وزیراعظم شہباز شریف نے کہا کہ مسلم لیگ (ن) ایم کیو ایم کے مجوزہ آئینی ترمیمی بل کی حمایت کرتی ہے۔

تاہم آئندہ پیشرفت سیاسی مشاورت اور متعلقہ فریقین کے درمیان مذاکرات سے مشروط ہوگی۔