سابق امریکی خاتون ریسلر کو کار حادثے میں 17 سال قید کی سزا

سابق امریکی ریسلر ٹیمی سائچ کو کار حادثے کے جرم میں 17 سال قید کی سزا سنا دی گئی۔

غیر ملکی میڈیا کے مطابق کار حادثے میں 75 سالہ شخص کی موت واقع ہوئی تھی۔

غیر ملکی میڈیا کے مطابق جب عدالت میں جج نے ٹیمی سائچ کو سزا سنائی تو وہ پریشان دکھائی دیں جس کے بعد انہیں کمرۂ عدالت سے باہر لے جایا گیا۔

رپورٹس کے مطابق سابق ریسلر کی گاڑی ریاست فلوریڈا میں 2022ء میں ٹریفک سگنل پر کھڑی گاڑی سے ٹکرائی تھی جس کے بعد ان کا لائسنس بھی مستقل طور پر منسوخ کر دیا گیا تھا۔

غیر ملکی میڈیا کے مطابق ٹیمی سائچ نے آبدیدہ ہو کر اس حادثے پر معافی بھی مانگی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!