شکُّر نیوز رپورٹنگ،
آزاد پارلیمانی گروپ کے سینیٹر ہدایت اللہ نے قرارداد سینیٹ سیکرٹریٹ میں جمع کرائی
آزاد پارلیمانی گروپ کے سینیٹر ہدایت اللہ نے الیکشن 2024 کے التوا سے متعلق قرارداد سینیٹ میں جمع کرادی۔
سینیٹر ہدایت اللہ عام انتخابات کے التوا کے لیے متحرک ہوگئے ہیں اور ان کی جانب سے ایک قرارداد سینیٹ سیکرٹریٹ میں جمع کروائی گئی ہے جس میں الیکشنز کو تین ماہ تک ملتوی کرنے کا مطالبہ کیا گیا ہے۔
یاد رہے کہ اس سے قبل بھی سینیٹ میں انتخابات کے التواء کے حوالے سے قرارداد پیش کی گئی تھی جسے ایوان میں موجود ممبران کی اکثریت نے منظور بھی کر لیا تھا۔
لازمی پڑھیں۔ سینیٹ میں عام انتخابات 2024ء ملتوی کرنے کی قرارداد کثرت رائے سے منظور
جمعہ کے روز سیکورٹی چیلنجز کے پیش نظر ایوان بالا میں عام انتخابات تین ماہ کے لئے ملتوی کرنے کی دوسری قرارداد سینیٹ میں جمع کرانے کا فیصلہ کیا گیا تاہم قرارداد پر سینیٹر ہدایت اللہ کے علاوہ کسی اور سینیٹر کے دستخط نہیں ہے۔
قرارداد کے مسودے کے مطابق ایوان بالا الیکشن کمیشن اور سپریم کورٹ پر زور دیتا ہے کہ وہ انتخابات کے پرامن انعقاد پر ہمدردانہ غور کرے۔
سینیٹر ہدایت اللہ کی جانب سے جمع کرائی گئی قرارداد میں حالیہ پرتشدد حملوں کا بھی ذکر کیا گیا ہے۔