قومی سلامتی کے پیش نظر پاکستان کی فضائی حدود مکمل طور پر بند، تمام پروازیں منسوخ

تشکر نیوز:  پاکستان نے قومی سلامتی اور حفاظتی وجوہات کی بنیاد پر اپنی پوری فضائی حدود کو ابتدائی طور پر 48 گھنٹوں کے لیے بند کر دیا ہے۔ اس فیصلے کے بعد ملک بھر کے ہوائی اڈوں پر فضائی آپریشن مکمل طور پر معطل کر دیا گیا ہے، جس سے نہ صرف اندرون ملک بلکہ بین الاقوامی پروازیں بھی متاثر ہو رہی ہیں۔

بھارتی حملے پر وزیر دفاع کا دوٹوک ردعمل: ’’سویلین آبادی پر حملے کا جواب دیا جائے گا‘‘

اسلام آباد انٹرنیشنل ایئرپورٹ پر تمام شیڈول پروازیں منسوخ کر دی گئی ہیں، اور مسافروں کو فوری طور پر گھر واپس جانے کی ہدایت جاری کی گئی ہے۔ سعودی ایئرلائن کی پرواز SV 726 جو اسلام آباد آ رہی تھی، کو کراچی ایئرپورٹ پر موڑ دیا گیا۔ اسی طرح دیگر پروازوں کو بھی کراچی کی جانب ری ڈائیورس کیا جا رہا ہے تاکہ ہوائی آپریشن کسی حد تک جاری رکھا جا سکے۔

ذرائع کے مطابق یہ اقدام مکمل طور پر احتیاطی تدبیر کے طور پر کیا گیا ہے، اور متعلقہ ادارے مسلسل حالات کا جائزہ لے رہے ہیں۔ آنے والے وقت میں صورت حال بہتر ہونے یا مزید سختی کیے جانے کے حوالے سے حکام کی جانب سے اعلان متوقع ہے۔