اسلام آباد (نمائندہ خصوصی) بھارت کی جانب سے مبینہ طور پر مقبوضہ کشمیر کے علاقے پہلگام میں ایک "فالس فلیگ آپریشن” اور اشتعال انگیز بیانات کے بعد پاکستان کی عسکری قیادت اور عوام نے یک زبان ہو کر دشمن کو واضح پیغام دیا ہے کہ وطن عزیز کے دفاع پر کسی قسم کی جارحیت برداشت نہیں کی جائے گی۔
K-Electric Scandal: Legal Battles, Poor Performance | Karachi’s Endless Suffering | Shocking Report
ڈی جی آئی ایس پی آر میجر جنرل احمد شریف چوہدری نے اسلام آباد میں ایک اہم اور دو ٹوک پریس کانفرنس کے دوران کہا کہ پاکستان ایک ذمہ دار ریاست ہے، جو کبھی محاذ آرائی کی ابتدا نہیں کرتا، لیکن اگر بھارت یا کوئی اور دشمن ملک کسی قسم کی مہم جوئی کرتا ہے تو اُسے منہ توڑ جواب دیا جائے گا۔
انہوں نے مزید کہا کہ "ہم تیار ہیں، آزمانا نہیں” صرف ایک نعرہ نہیں بلکہ پاکستان کی دفاعی حکمت عملی کا مرکزی پیغام ہے۔ ان کا کہنا تھا کہ پاکستان کی مسلح افواج نے ہر ممکنہ خطرے سے نمٹنے کے لیے تمام شعبوں میں مکمل تیاری کر رکھی ہے۔ ڈی جی آئی ایس پی آر نے 2019 کی مثال دیتے ہوئے کہا کہ اُس وقت بھی پاکستان نے بھرپور اور بروقت جواب دیا تھا، اور آج بھی اگر ضرورت پڑی تو کسی قسم کی تاخیر نہیں کی جائے گی۔
پریس کانفرنس کے بعد یہ بیان دیکھتے ہی دیکھتے سوشل میڈیا پر وائرل ہو گیا، اور "ہم تیار ہیں، آزمانا نہیں” کا نعرہ ٹوئٹر، فیس بک اور انسٹاگرام سمیت تمام پلیٹ فارمز پر ٹاپ ٹرینڈ بن گیا۔ عوام، صحافیوں، دفاعی تجزیہ نگاروں اور سماجی شخصیات نے ڈی جی آئی ایس پی آر کے بیان کو قومی خودمختاری، اتحاد اور دفاعی عزم کی علامت قرار دیا۔
صارفین نے سوشل میڈیا پر بھارت کے جھوٹے بیانیے کو مسترد کرتے ہوئے کہا کہ پاکستان کا ہر شہری افواج پاکستان کے شانہ بشانہ کھڑا ہے۔ مختلف حلقوں سے اس امر پر بھی زور دیا گیا کہ بھارت کی اندرونی سیاست کی آڑ میں پاکستان کو نشانہ بنانا کسی صورت قبول نہیں کیا جائے گا۔
اس پیغام نے نہ صرف قوم کے اتحاد کو اُجاگر کیا بلکہ عالمی سطح پر بھی ایک مضبوط سفارتی مؤقف کے طور پر اپنی جگہ بنائی۔