کراچی: اسپیشل سیکیورٹی یونٹ (SSU) اور اینٹی وہیکل لفٹنگ سیل (AVLC) کی جانب سے خفیہ معلومات اور جدید تکنیکی ذرائع کے ذریعے مشترکہ کارروائی کی گئی جس میں ایک گینگ کے چھ ملزمان کو گرفتار کیا گیا۔ یہ گینگ اسپیشل سیکیورٹی یونٹ (SSU) کی سرکاری RIVO گاڑی چوری کرنے میں ملوث تھا۔ کارروائی کے دوران نہ صرف SSU کی سرکاری RIVO گاڑی برآمد کی گئی بلکہ کراچی سے چوری شدہ دو کاریں اور اسلحہ بھی ملزمان کے قبضے سے برآمد کیا گیا۔
یوم مزدور کے موقع پر پاکستان سنی تحریک کی تقریب، محنت کشوں کی قربانیوں کو خراج تحسین
گرفتار ملزمان ایک انتہائی خطرناک اور منظم گینگ کا حصہ ہیں جو کراچی سمیت ملک بھر میں گاڑیاں چھیننے اور چوری کرنے کی وارداتوں میں ملوث ہیں۔ یہ گینگ چوری شدہ گاڑیوں کی ترسیل کے کاروبار میں بھی ملوث ہے۔
کارروائی کے دوران، ملزمان کے قبضے سے SSU کی سرکاری RIVO گاڑی اور کراچی سے چوری شدہ دو مزید گاڑیاں برآمد کی گئیں، ساتھ ہی اسلحہ بھی برآمد کیا گیا۔ اس گینگ کی سرگرمیاں شہر کراچی میں گاڑیوں کی چوری اور چھننے کی اہم وجہ ہیں۔
اس گینگ کے سرغنہ اور مفرور ملزمان کی گرفتاری کے لیے تابڑ توڑ چھاپے مارے جا رہے ہیں اور مزید تفتیش جاری ہے۔ اہم انکشافات کی توقع کی جا رہی ہے۔