کراچی (رپورٹ: ) سیٹرڈے نائٹ، کراچی والوں نے اپنے اختتام ہفتہ کو بھرپور انجوائے کرنے کے لیے نادرن بائی پاس پر واقع مویشی منڈی کا رخ کیا۔ عوام کا ایک بڑا ہجوم رات گئے تک منڈی میں موجود رہا، جہاں میلے کا سماں تھا۔ شہریوں نے اپنی فیملیز کے ہمراہ بلا خوف و خطر اس موقع کا بھرپور فائدہ اٹھایا اور چھٹی کی خوشیوں کو زندہ رکھا۔
چیئرمین بلاول بھٹو زرداری کی قیادت میں متنازعہ کینالوں کا مسئلہ حل، شرجیل انعام میمن کی پریس کانفرنس
مویشی منڈی میں ایک طرف جہاں قربانی کے جانوروں کی خریداری کا سلسلہ جاری تھا، وہیں دوسری طرف ایک لاکھ روپے سے لے کر دس لاکھ روپے تک قربانی کے خوبصورت اور صحت مند جانوروں کے سودے بھی ہوئے۔ شہریوں نے بڑے جوش و خروش سے قربانی کے جانور خریدے اور اپنے عید کے تہوار کی تیاری مکمل کی۔
یہ منظر بہت ہی خوشگوار تھا، جہاں لوگوں نے اپنے اہل خانہ کے ساتھ چھٹی کی رات کا بھرپور لطف اٹھایا۔ مویشی منڈی میں اس وقت جانوروں کے ساتھ ساتھ شہریوں کی آمد و رفت کا سلسلہ بھی جاری تھا، جس سے یہ مقام ایک تہوار کا منظر پیش کر رہا تھا۔