کراچی: موٹر سائیکل سواروں کی جانوں کے تحفظ اور ٹریفک شعور اجاگر کرنے کے لیے دو تلوار، کلفٹن پر ہیلمٹ سیفٹی آگاہی روڈ ڈرائیو کا انعقاد کیا گیا۔ اس مہم کا مقصد شہریوں کو ہیلمٹ پہننے کی اہمیت سے آگاہ کرنا اور محفوظ سفر کی ترغیب دینا تھا۔
رضویہ سوسائٹی میں پولیس کا ڈاکوؤں کے ساتھ فائرنگ کا تبادلہ، تین ملزمان گرفتار
ڈرائیو کے دوران ان افراد کو مفت ہیلمٹس دیے گئے جو بغیر ہیلمٹ کے موٹر سائیکل چلا رہے تھے، اور انہیں ہیلمٹ کے استعمال سے متعلق آگاہی فراہم کی گئی۔ اس اقدام سے شہریوں میں حفاظت کے حوالے سے شعور بیدار کرنے کی کوشش کی گئی۔
اس آگاہی مہم میں ایس ایس پی ٹریفک ساؤتھ، سہائی عزیز؛ ہیڈ آف کمیونٹی پولیسنگ کراچی، مراد سونی؛ محبوب کباڑیہ؛ ڈی ایس پی فھمیدہ اور سیکشن آفیسر کلفٹن جواد اور ان کی ٹیم نے شرکت کی۔ ان کی موجودگی اس بات کی عکاس ہے کہ ٹریفک پولیس شہریوں کی حفاظت اور کمیونٹی کے ساتھ روابط کو اہمیت دیتی ہے۔
کراچی ٹریفک پولیس تمام موٹر سائیکل سواروں سے اپیل کرتی ہے کہ اپنی جان کی حفاظت کو اولین ترجیح دیتے ہوئے ہر سفر کے دوران ہیلمٹ کا استعمال یقینی بنائیں، کیونکہ زندگی سے بڑھ کر کچھ نہیں ہے۔