کراچی: ایڈیشنل آئی جی کراچی جاوید عالم اوڈھو نے تھانہ میٹھادر کے افسران اور اہلکاروں کو جرائم کے خلاف شاندار کارکردگی پر تعریفی اسناد سے نوازا۔ اس موقع پر ایک پروقار تقریب کا انعقاد کیا گیا، جس میں کراچی فارما آرگنائزیشن کے جنرل سیکرٹری محمد اسلم پولانی نے بھی شرکت کی اور نمایاں خدمات انجام دینے والے پولیس اہلکاروں کو کیش انعامات دیے۔
ایڈیشنل آئی جی کراچی نے کہا کہ میٹھادر تھانے کی ٹیم نے جرائم کے خلاف جس فرض شناسی اور جذبے سے کام کیا ہے، وہ قابلِ تحسین ہے۔ انہوں نے امید ظاہر کی کہ دیگر تھانے بھی اسی جذبے سے اپنی کارکردگی بہتر بنائیں گے۔
تعریفی اسناد اور کیش ریوارڈ حاصل کرنے والوں میں ایس ایس پی سٹی عارف عزیز، ڈی ایس پی شبیر، انسپکٹر نصیر تنولی، اے ایس آئی طارق مقبول، ایس اے آئی اورنگزیب اور کانسٹیبلان دانش سلیم، محمد اظہر، شاہد علی، فیضان علی، اسماعیل، محمد علی، نادر نیازی، محمد فاروق، زاہد حنیف اور راحیل شامل ہیں۔
اس موقع پر افسران نے اپنے عزم کا اعادہ کیا کہ وہ عوام کی خدمت اور شہر کو جرائم سے پاک کرنے کے لیے اپنی کوششیں مزید تیز کریں گے
